Mae Awel Aman Tawe wedi bod yn gweithio mewn ysgolion ers 2000 yn cynnal gweithdai ar newid hinsawdd a defnydd ynni, yn trefnu ymweliadau ysgol i weld ynni adnewyddadwy ar waith, ac yn ennyn diddordeb disgyblion yn yr argyfwng hinsawdd drwy’r celfyddydau.

Yn ein rhaglen bresennol – Rydym yn Rhyfelwyr Ynni – rydym yn gweithio gyda disgyblion cynradd ac uwchradd ar draws de Cymru. Trwy gyfres o weithdai a phrofiadau dwyieithog, caiff disgyblion eu grymuso i gymryd camau i leihau’r defnydd o ynni yn yr ysgol; i fod yn feddylwyr uchelgeisiol a moesegol sy’n malio am Gymru a’r byd ac i fod yn fentrus, yn greadigol ac yn hyderus wrth ledaenu eu neges.