Swyddog Addysg a’r Celfyddydau Hwb y Gors
Disgrifiad Swydd
- Cyflogwr: Awel Aman Tawe
- Yn adrodd wrth: Rheolwr Canolfan Hwb y Gors
- Cyflog: £30,000 y flwyddyn
- Oriau: Swydd amser llawn 37.5 awr yr wythnos (rota hyblyg sy’n cydweddu ag anghenion y ganolfan)
- Cyfnod y Contract: 3 blynedd gyda’r posibilrwydd o’i estyn yn amodol ar adolygiad.
- Hawl i Wyliau: 25 diwrnod o wyliau’r flwyddyn ynghyd â gwyliau banc ar gyfer swydd amser llawn.
- Cynllun Pensiwn Moesegol gyda chyfraniad cyflog o 6.5% a swm cyfatebol gan AAT.
Pwy ydym ni:
Mae Awel Aman Tawe yn elusen yng Nghwm Aman uchaf a sefydlwyd yn 1998 gyda’r ddau amcan o fynd i’r afael â’r argyfwng hinsawdd a chefnogi cydnerthedd cymunedol. Rydym wedi datblygu’r ddau gwmni cydweithredol ynni adnewyddadwy mwyaf yng Nghymru: Awel Coop (ein cwmni cydweithredol gwynt) ac Egni Co-op (ein cwmni cydweithredol solar). Rydym hefyd yn rhedeg amrywiaeth o brosiectau yn cynnwys y rhaglen addysg i ysgolion Rhyfelwyr Ynni, trafnidiaeth gymunedol gynaliadwy, rhoi cyngor effeithlonrwydd ynni, a chelfyddydau yn y gymuned. Prynom hen ysgol gynradd Cwm-gors yn 2018 ac ar hyn o bryd rydym yn ei hail-ddatblygu yn ganolfan carbon isel ar gyfer addysg, menter a’r celfyddydau: Hwb y Gors. Rhagwelwn y bydd y ganolfan yn agor yn gynnar yn 2025 a bydd y swydd Rheolwr y Rhaglen Addysg a’r Celfyddydau hon yn chwarae rhan allweddol yn datblygu ein gweledigaeth ar gyfer y lleoliad.
Crynodeb o’r Swydd
Gan weithio gyda’n Cyfarwyddwr Creadigol, Arweinydd ein Rhaglen Allgymorth Addysg a’n Rheolwr Canolfan, byddwch yn datblygu ac yn rheoli rhaglen addysg a’r celfyddydau sy’n adlewyrchu’r ddau amcan, sef mynd i’r afael â’r argyfyngau hinsawdd/bioamrywiaeth a chadernid cymunedol. Bydd y rhaglen hon yn cynnwys rhaglen gynhwysfawr o ddarpariaeth addysg a’r celfyddydau sy’n targedu pobl o bob oedran a gallu.
Bydd gennych ddealltwriaeth ddofn ac angerdd dros lansio, datblygu a thyfu Hwb y Gors, gan ddod ag egni a brwdfrydedd i’r rôl. Bydd gennych y profiad a’r penderfyniad ar gyfer cyflwyno rhaglen addysg a’r celfyddydau i amrywiaeth o gyfranogwyr. Bydd eich rhaglen o weithdai, cyrsiau, digwyddiadau a gweithgareddau yn adlewyrchu’r angen am fynd i’r afael â’r argyfyngau hinsawdd a bioamrywiaeth ynghyd â’r angen am gadernid cymunedol. Byddwch yn cydweithio’n agos gyda Rheolwr Canolfan Hwb y Gors i gyflawni’r uchelgais o sicrhau y bydd y ganolfan yn hunangynhaliol o fewn 3 blynedd, ac yn Sero Net erbyn 2030.
Rolau a Chyfrifoldebau
Bydd y rôl yn golygu:
- Gweithio gyda’r Rheolwr Canolfan i ddatblygu’r Cynllun Busnes a’i adolygu’n flynyddol gan dalu sylw penodol i’r rhaglen addysg a’r celfyddydau.
- Datblygu dealltwriaeth eang o grwpiau cleientiaid, gwasanaethau ac ethos y sefydliad; a meithrin a chynnal perthnasoedd da o fewn y gymuned, gyda defnyddwyr y ganolfan, tenantiaid a gwirfoddolwyr.
- Datblygu a chynnal cysylltiadau gydag ysgolion, colegau, darparwyr addysg, ynghyd â rhwydweithiau artistiaid a chreawdwyr, i sicrhau bod y rhaglen yn cyflenwi gweithgareddau o safon uchel ac yn manteisio ar gyfleoedd ble bo’n berthnasol.
- Ymroi i hybu’r rhaglen addysg a’r celfyddydau.
- Cyd-drefnu digwyddiadau cymunedol a phroffesiynol yn y Ganolfan o fewn y gyllideb, a byddwch yn sicrhau bod cynlluniau’r prosiect yn adlewyrchu’r galw newidiol gan y cyhoedd
- Pennu targed presenoldeb blynyddol ar draws y rhaglen a monitro a gwerthuso’r holl weithgareddau addysg a’r celfyddydau yn y Ganolfan, gyda’r nod o sicrhau rhaglen gynaliadwy o fewn cyfnod o 3 blynedd. Byddwch hefyd yn chwilio am gyllid allanol ar gyfer darparu’r rhaglen addysg a’r celfyddydau
- Dirprwyo i Reolwr y Ganolfan pan fod angen, yn enwedig yn ystod gwyliau a chyfnodau o salwch
- Sicrhau safon uchel wrth gyflenwi’r holl weithgareddau yn y Ganolfan
- Cymryd rôl arweiniol wrth lansio Hwb y Gors
- Hybu cydraddoldeb, amrywiaeth a chynhwysiant
- Bod yn hyblyg i weithio oriau gwaith amrywiol ‒ ar y penwythnos, oriau anghymdeithasol a thu allan i oriau er mwyn bodloni anghenion y ganolfan
- Bod yn ddaliwr allweddi ar gyfer y ganolfan
- Cyflawni unrhyw dasg arall y gallai’r bwrdd ymddiriedolwyr ofyn amdani yn rhesymol
Manyleb Person
| Profiad |
| Profiad o gyflwyno rhaglen gelfyddydau ac/neu addysg o safon uchel i ystod amrywiol o gwsmeriaid |
| Profiad o gyflawni tasgau a dyletswyddau gweinyddol |
| Profiad o weithio gyda sefydliadau yn y gymuned a dealltwriaeth dda o amgylchedd y sector elusennau |
| Profiad o reoli gweithwyr llawrydd, staff ac/neu wirfoddolwyr |
| Profiad o farchnata yn y cyfryngau digidol ac/neu ffisegol |
| Profiad o lunio a rheoli cyllideb |
| Profiad o gyrchu a chynhyrchu cyllid |
| Gwybodaeth, Sgiliau a Galluoedd |
| Sgiliau cyfathrebu ysgrifenedig a llafar rhagorol |
| Yn gallu gweithio’n gydweithredol gydag ystod eang o bobl yn cynnwys gwirfoddolwyr a phobl sy’n agored i niwed |
| Sgiliau TGCh ‒ yn gallu defnyddio cronfeydd data, cyfryngau cymdeithasol a chyfrannu at gynnwys y we. |
| Sgiliau datrys problemau da ac ymwybyddiaeth o asesiadau risg |
| Yn gallu bod yn flaengar a chanfod, blaenoriaethu a chynllunio gweithgareddau’n annibynnol |
| Ymrwymiad i herio ymddygiad gwahaniaethol neu amharchus |
| Yn gallu cyfrannu at bennu targedau a chynllunio datblygiad yn strategol |
| Yn gallu gweithio’n annibynnol ac yn gydweithredol fel rhan o dîm |
| Rheolaeth amser a sgiliau trefnu da |
| Siaradwr Cymraeg neu ymrwymiad i ddysgu. |
| Rhinweddau Personol |
| Rhinweddau arweinyddiaeth |
| Ymrwymiad i egwyddorion cydraddoldeb a pharch at eraill |
| Dealltwriaeth dda o’r materion cymdeithasol ac economaidd a wynebir gan y gymuned leol |
| Hyblygrwydd o ran oriau gwaith i weithio gyda’r hwyr ac ar y penwythnos. |
| Ymrwymiad i’r Ymgyrch Ras i Sero |
| Ymrwymiad i ymarfer creadigol |
| Parodrwydd i gyflawni hyfforddiant a datblygu personol |
Hyfforddiant angenrheidiol – darperir hwn gan AAT
- Hyfforddiant terfysgaeth ACT
- Iechyd a Diogelwch
- Codi a Chario
- Cymorth Cyntaf Argyfwng
- GDPR
- Trais Yn Erbyn Menywod
- Diogelu Grŵp B/Lefel 2
- Cydraddoldeb, Amrywiaeth a Chynhwysiant (EDI)
- Ymwybyddiaeth o Anabledd
- Ymwybyddiaeth DSE
- Trais yn erbyn menywod, cam-drin domestig a thrais rhywiol
- Diffibrilio
- Larymau toiledau hygyrch
Mae’r swyddi yn agored i’r holl ymgeiswyr sydd â’r cymwysterau priodol, heb ystyried oed, anabledd, rhywedd, priodas/partneriaeth sifil, beichiogrwydd, mamolaeth, hil, crefydd neu gred, rhyw, neu gyfeiriadedd rhywiol.
Y Broses Ymgeisio:
Rhaid i geisiadau gynnwys CV a llythyr eglurhaol. Mae AAT yn fan arbennig i weithio ynddo ac mae’n bwysig ein bod yn deall yn glir pam rydych chi eisiau bod yn rhan o’r tîm a beth rydych chi’n teimlo y gallwch ei gyfrannu. Fel rhan o’ch cais, gwnewch yn siŵr eich bod yn rhoi disgrifiad llawn o’ch symbyliad, profiad a’ch addasrwydd ar gyfer y rôl mewn perthynas â’r disgwyliadau a esbonnir yn y fanyleb person a’r disgrifiad swydd. E-bostiwch eich cais at croeso@awel.coop. Rhowch Swyddog Addysg a’r Celfyddydau Hwb y Gors yn yllinell pwnc.
Dyddiad cau: 31 Ionawr 2025
Cyfweliadau: 10 Chwefror 2025
Ariennir y swydd hon yn rhannol gan Gronfa Pobl a Lleoedd y Loteri Genedlaethol.