Mae capsiwl gofod ‘Greta’ wedi bod yn brysur yr wythnos hon, yn cludo dros 200 o bobl i’r Lleuad. Mae ysgolion, grwpiau ac ymwelwyr a alwodd heibio wedi profi’r daith 200,000 mya i’r gofod dros eu hunain. Mae wedi bod yn wych gweld y parchedig ofn ar eu hwynebau o weld yr olygfa o’r Ddaear wrth iddynt lanio. Dwi hefyd wedi croesawu Terry Pugh o TTS Science i syfrdanu’r plant gyda’i arbrofion ‘rocket tots’.
![](https://aat.cymru/wp-content/uploads/2019/10/2019-10-08-16.00.42.jpg)
![](https://aat.cymru/wp-content/uploads/2019/10/terry-1024x576.jpeg)
![](https://aat.cymru/wp-content/uploads/2019/10/72549541_410704602924881_5596515044373299200_n-768x1024.jpg)
![](https://aat.cymru/wp-content/uploads/2019/10/IMG_2558-683x1024.jpg)
![](https://aat.cymru/wp-content/uploads/2019/10/72252965_493327951275455_8608068506564427776_n-768x1024.jpg)
![](https://aat.cymru/wp-content/uploads/2019/10/71691022_713756999124759_7544550057643606016_n-1024x768.jpg)
Dwi wedi sefydlu stiwdio’r Artistiaid uwchlaw un o’r craterau ac wedi defnyddio’r amrywiol ddarnau o sothach Gofod dwi wedi bod yn eu casglu ers i mi gyrraedd i greu darnau o gelf gyda fy ymwelwyr. Y bwriad yw rhoi arddangosfa at ei gilydd i ddweud wrth y Bydysawd am Y Ddaear – y rhyfeddodau a’r dinod, y pethau cadarnhaol a’r rhai negyddol. Mae pawb sy’n ymweld yn derbyn lleuad bapur fechan i greu eu celfwaith arni.
Ac mae cymaint o ddarnau hyfryd hyd yma sydd, gyda’i gilydd, yn cyfrannu at stori’r Ddaear. Dyma enghreifftiau o’r creadigaethau niferus sydd wedi’u gwneud:
![](https://aat.cymru/wp-content/uploads/2019/10/2019-10-08-10.16.11.jpg)
![](https://aat.cymru/wp-content/uploads/2019/10/2019-10-08-11.46.22-701x1024.jpg)
![](https://aat.cymru/wp-content/uploads/2019/10/2019-10-09-20.43.16.jpeg)
![](https://aat.cymru/wp-content/uploads/2019/10/2019-10-09-20.44.23-1024x656.jpeg)
![](https://aat.cymru/wp-content/uploads/2019/10/2019-10-09-20.44.49.jpeg)
![](https://aat.cymru/wp-content/uploads/2019/10/IMG_2539.jpg)
![](https://aat.cymru/wp-content/uploads/2019/10/IMG_2542.jpg)
![](https://aat.cymru/wp-content/uploads/2019/10/IMG_2512.jpeg)
Mae’r ymwelwyr wedi dod â newyddion o gartref ynghyd â byrbrydau blasus i’m calonogi. Diolch Hamish am y baklava – fy hoff fwyd erioed.
Dwi wedi bod yn gwylio’r Ddaear a datblygiad Teiffŵn Hagibis. Mae’n edrych yn arswydus. Dyma’r olygfa o’r gofod.
![](https://aat.cymru/wp-content/uploads/2019/10/typhoon-hagibis-1-1024x517.jpg)
Mae’r profiad wedi bod yn un dwys hyd yma, ac rwy’n disgwyl yn eiddgar am wythnos arall pan fyddaf yn croesawu ymwelwyr bob dydd, cyn i mi ddod nôl i’r Ddaear ddydd Gwener.